An dui do ond die sell, Gias Gott, geschtern war i mit mainerä Frau bei Eich in Renningen. S’het mi jo scho pfupferet, dass i 20 euro zahlt han om mir oagnehme Wahrheiten anzheere. S‘ schlimmschte war, dass dui (mai Frau) immer an der richtige Stell‘ glacht hott! I hab scho iberlegt oder mir dr Sell suchä soll, damit mir als „Der do und der Sell“ Widerwort gäbä kenned! Aber so guat wir ihr kenned mir garit sei! Uff jedä Fall wärd i jetzt näxt Woch den Antrag auf Altersteilzeit net onderschreibä! Aber i will Eich no ä baar Sache saggä: Des mit däm Höhlämensch stimmt jo scho – bloss ischt der nie in Rente ganga. Deshalb kennt mir Männer des au net! Entweder hät ihn irgend a Scheu oder a Keule von Nachbarstamm niedergschtreckt oder a Raubdier hätt en gholt – a vierbeinigs. Aber bassed no auch Eire Männer uff. Sotte Raubdier gibt’s immer no – halt zweibeinig. On die welled auch net ihr welks Floisch sondern dui gut Rente! On wie ihr gsait hend, im Bett sind se au nemme so aschtrengend. Wia hot scho der Jack Nicholson zum Morgan Freeman im Film „Das Beste kommt zum Schluss“ gsait: Männer ab 55 müssen jede Toilette und jede Erektion nutzä! Wer woiß wenn die näxt kommt. Aprospos! Ihre wisset jo wie des bei de Männer isch: In der Jugend sind alle Glieder geschmeidig bis auf ois und im Alter (frier oder später) alle steif bis auf ois. Die Analogie zu de Frau und de Feuchtgebiete will i jetzt net ausdappä. I hoff i war net zu schlüpfrig. Viel Giass aus em Heckägäu Oim dem’s dann doch no gfalla hot (vielleicht oiner aus’m Dieter und em Günter seinerä Glikk)... Einklappen